Átti mjög fína helgi. Á föstudagskvöldið fór ég í smá gleðskap
til Álfrúnar og Egils þar sem saman voru komnir nokkrir Íslendingar
til að fagna fullveldisdeginum,( já já allar afsakanir notaðar til
að halda partý 
). Svo á laugardeginum þá fór ég og reif Álfrúnu,
Egil og Karen framúr rúminu og við töltum uppí bæ og röltum þar um
og skoðuðum fólk og jólaljós. Fengum okkur að borða á póstsafninu
og ég fékk þetta líka ljúffenga salat, nammi namm. Svo gengum við
meira um og borðuðum brenndar möndlur og fórum inn í Illum bolighus
þar sem fólk var í óða önn að kaupa jólagjafir. Síðan ætluðum við
að fara á Hvids vinsstue og fá okkur jólaglögg en þar var stappað
út úr dyrum þannig að við enduðum á einhverju kaffihúsi.
En svo þurfti ég að drífa mig heim. Ég hélt smá partý fyrir
stelpurnar í vinnunni og við borðuðum Thai mat sem var mjög góður
og svo var bara malað fram á nótt þanngað til við drösluðumst niður
á Ideal bar þar sem var funkadellic kvöld og dönsuðum við fram á
rauða þar til ég gat ekki meir og fór heim. Svo vaknaði
ég á sunnudaginn með þvílíkann hálsríg og hann er enn að plaga
mig. Ég hlít að hafa hrist hausinn svona allsvakalega
í dansmúvunum! úje